Hilahin ang yosi sa bulsa
Hahatiin sa dalawa
Hihithitin ang isa
Ngunit wala nang makikihati
Pagkat ika’y lumisan na
Ang mga usok na binubuga
Iniluluwa kasabay ang alaala
Ang dating nagbabaga
Ngayon ay nanlalamig
Upos nanunuyo sa bunganga
Sinindihang dulo ng sigarilyo
Doon hihigop ng taos puso
Para baga tumagos gang puso
Hithit buga, kalabiting mabuti
Yosi sa labi, munting gatilyo
