Halika,
Hayaan mong pag-aralan ko ang iyong katawan
Hayaang usisain ko ang iyong mga laman
Ipapasok ang daliri sa bukana ng iyong kaloob-looban
Marahang dudulas – sa dugong dumadaloy sa tanan
Makinig kang mabuti at tuturuan kitang magmahal
Pakinggan tibok ng puso mong nakagigimbal
Bumibilis, rumarahas, nakapagpapagal
Hayaan mong patirin ko nang di na magtagal
Huwag nang lumingon pa’t titigan mo ko sa mata
Pagmasdang mabuti ang mga lente at kornea
Walang tigil sa pagtirik ang balintataw sa gitna
Huminga ng malalim at sa duktor huwag magduda
Hanggang sa’yong balika’t tuhod, leeg at mga labi
Hahawakan isa-isa, bawat parte sasaliksiking maigi
Pati ang iyong binti, hita, isama nang bawat daliri
Nag-iinit ang iyong balat, nakapapaso sa hapdi
Halika,
Talakayin natin ang anatomiya ng isa’t isa
Ikalkula natin ang maliit na distansyang pumapagitan sa’ting dalawa
Maghuntayan tayo ukol sa diskurso nang ating mga anyong marahas
Obserbahing mabuti ang mga kemikal na sa’tin lumalabas
